പ്രതിഫലനം

കണ്ണാടിയുണ്ടെനിക്കൊന്നു സ്വന്തമായി
മാന്ത്രികകണ്ണാടിയാണെന്ന് ആര്‍ക്കുമറിയില്ല പക്ഷെ;
ഞാന്‍ നോക്കുമ്പോഴൊക്കെ എന്നോട് ചൊല്ലും,
"കാണാന്‍ നല്ല ചേലുണ്ട് കേട്ടോ"
അത് കേട്ടുകേട്ടിരിക്കാന്‍ കൊതിയാണെങ്കിലും
ഈയിടെയായിട്ടെനിക്കുണ്ടൊരു സംശയം
ഈ കണ്ണാടിമാന്ത്രികന്‍ ആള് 'ഗേ'യാണോ ?
അല്ലെങ്കിലൊരുപക്ഷെ,
ആത്മരതിയുടെ നിരന്തര പീഡനം ഏറ്റേറ്റു
മാന്ത്രികന്‍ വശംകെട്ടു ചൊല്ലുന്നതാകുമോ?
അറിയില്ലെനിക്ക്‌, അടിവരയിട്ടു പറയട്ടെ,
പക്ഷെ, കാലമതല്ലേ, സ്വന്തം നിഴലിനെപ്പോലും
വിശ്വസിക്കാന്‍ കഴിയാത്തൊരു കാലം
സ്വവര്‍ഗരതിയുടെ പുഷ്കലകാലം!
---------