ചിരി

ചിരിക്കുന്നോരെല്ലാം ചിരിച്ചോട്ടെ നന്നായി;
കളിയാക്കിയാണെങ്കില്‍പ്പോലും, പുഛഭാവത്തില്‍-
നോക്കി ചിറികോട്ടാതിരുന്നാല്‍ മതി.
ചിരിക്കല്ലെങ്കിലും അര്‍ത്ഥം പലതല്ലേ,
ആളും തരവും നോക്കിയാണത്രെ
ചിരിയുടെ അര്‍ത്ഥം തിരയുന്നത്.
അതുകൊണ്ടാണ് കോപ്പില്ലാത്തോന്‍
ചിരിക്കുമ്പോള്‍ വ്യര്‍ത്ഥമാകുന്നതും
ചിത്തത്തില്‍ ഭേദം വരുന്നതും, അനര്‍ത്ഥമാകുന്നതും,
ഒന്നു ചിന്തിക്കുകില്‍ ശരിയല്ലേ; ചിരിച്ചു-
തോല്പ്പിക്കുവാന്‍ കഴിയാത്തോന്‍
എന്തിന് വെറുതെ ചിരിക്കണം.
-------