ഇരുട്ടിന്റെ വെളിച്ചം

ഇരുട്ടാണ്‌, പക്ഷെ വൈദ്യുതിനിയന്ത്രണം

അനൌദ്യോഗികമായത് കാരണം,

വെളിച്ചമുണ്ടെന്നു എല്ലാവരും

നടിച്ചേ പറ്റൂ , ഇല്ലങ്കില്‍

രാജ്യദ്രോഹമാകും വകുപ്പ്;

ഇല്ലാത്ത വെളിച്ചത്തില്‍

കണ്ണ് കാണും പോലെ കാണിച്ചു

ഇരുട്ടിനെ അവരെല്ലാം പറ്റിച്ചേ!

എന്നിട്ട് ചിരിക്കും പോലെ കരഞ്ഞേ!

ഔദ്യോഗികമല്ലാത്ത ഇരുട്ട്

അതുകണ്ട് പൊട്ടിച്ചിരിച്ചേ,

കൊടുവാളിന്റെ മൂര്‍ച്ചയുള്ള കൊലച്ചിരി.

-------